फोटोशॉपमध्ये अनेक करामती करून 'होत्याचं नव्हतं' करण्याच्या आजच्या
जमान्यात हा फोटो खरा आहे यावर कुणाचा विश्वास बसणार नाही. पण हा फोटो खरा
आहे आणि फोटोतील पटकन ओळखू न येणारी व्यक्ती आहे महाराष्ट्राचे माजी
उपमुख्यमंत्री छगन भुजबळ. विस्कटलेले केस, पांढरी दाढी, रुग्णाच्या पोषाखात
थकलेल्या अवस्थेत एका व्हिलचेअरवर बसलेल्या भुजबळांचा हा फोटो सध्या सोशल
मीडियात व्हायरल झाला आहे. महाराष्ट्राच्या राजकारणात एकेकाळी 'ढाण्या वाघ'
म्हणून वावरलेल्या भुजबळांच्या या अवस्थेबद्दल सर्वत्र चर्चा रंगली आहे.
छगन भुजबळ हे महाराष्ट्र सदन घोटाळा व बेहिशेबी मालमत्ता जमविल्याच्या आरोपाखाली तुरुंगात आहेत. दाढदुखीचा त्रास झाल्यामुळं गेल्या सोमवारी त्यांना सेंट जॉर्ज रुग्णालयात दाखल करण्यात आलं आहे. रुग्णालयात त्यांना इतर सामान्य रुग्णांप्रमाणंच ठेवण्यात आलं आहे. त्यांना कोणतीही व्हीआयपी ट्रीटमेंट देण्यात आलेली नसल्याचं समजतं. ६८ वर्षीय भुजबळांना मधुमेहाचा व उच्च रक्तदाबाचा त्रास आहे. रुग्णालयात त्यांची नित्यनेमानं तपासणी केली जाते. या तपासण्या व चाचण्या सुरू असतानाच रुग्णालयातील सिटी स्कॅन रूमच्या बाहेर नंबर येण्याची वाट पाहत असताना भुजबळांचा हा फोटो कॅमेऱ्यात कैद झाला होता.
रुग्णालयातील सूत्रांनी 'टाइम्स ऑफ इंडिया'ला दिलेल्या माहितीनुसार, भुजबळ यांची प्रकृती आता चांगली आहे. आज त्यांच्या दातांची तपासणी केली जाणार असून तपासणीनंतर त्यांना डिस्चार्ज दिला जाणार आहे. डिस्चार्जनंतर त्यांना पुन्हा ऑर्थर रोड जेलमध्ये हलवलं जाणार आहे. गेल्या महिन्याच्या १४ तारखेपासून तुरुंगात असलेल्या भुजबळ यांचं वजन १० किलोंनी घटलं आहे. भुजबळ हे पुरेसं जेवण घेत नसल्यामुळं त्याचं वजन सातत्यानं घटत असल्याचं डॉक्टरांचं म्हणणं आहे.
विश्वास बसणार नाही; पण हे भुजबळच आहेत!
छगन भुजबळ हे महाराष्ट्र सदन घोटाळा व बेहिशेबी मालमत्ता जमविल्याच्या आरोपाखाली तुरुंगात आहेत. दाढदुखीचा त्रास झाल्यामुळं गेल्या सोमवारी त्यांना सेंट जॉर्ज रुग्णालयात दाखल करण्यात आलं आहे. रुग्णालयात त्यांना इतर सामान्य रुग्णांप्रमाणंच ठेवण्यात आलं आहे. त्यांना कोणतीही व्हीआयपी ट्रीटमेंट देण्यात आलेली नसल्याचं समजतं. ६८ वर्षीय भुजबळांना मधुमेहाचा व उच्च रक्तदाबाचा त्रास आहे. रुग्णालयात त्यांची नित्यनेमानं तपासणी केली जाते. या तपासण्या व चाचण्या सुरू असतानाच रुग्णालयातील सिटी स्कॅन रूमच्या बाहेर नंबर येण्याची वाट पाहत असताना भुजबळांचा हा फोटो कॅमेऱ्यात कैद झाला होता.
रुग्णालयातील सूत्रांनी 'टाइम्स ऑफ इंडिया'ला दिलेल्या माहितीनुसार, भुजबळ यांची प्रकृती आता चांगली आहे. आज त्यांच्या दातांची तपासणी केली जाणार असून तपासणीनंतर त्यांना डिस्चार्ज दिला जाणार आहे. डिस्चार्जनंतर त्यांना पुन्हा ऑर्थर रोड जेलमध्ये हलवलं जाणार आहे. गेल्या महिन्याच्या १४ तारखेपासून तुरुंगात असलेल्या भुजबळ यांचं वजन १० किलोंनी घटलं आहे. भुजबळ हे पुरेसं जेवण घेत नसल्यामुळं त्याचं वजन सातत्यानं घटत असल्याचं डॉक्टरांचं म्हणणं आहे.
No comments:
Post a Comment